曹仁超文集-第115部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
国、美国及二十世纪日本……。各国政府干预经济，最后皆付出更沉重代价，历史已多不胜数，但系仍然无法阻止各国政府官员干预经济。因为〃干预〃乃人类天性，〃积极不干预〃反而系后天学习嘅结果，有时都几无奈。
去年第四季货柜船租金开始回落，至今跌幅已达50％；反之，营运费却上升，估计明年进入稳定期。但货柜船公司今年纯利公布时，对股价仍有一定影响，未到可看好时刻。
另一令人担心嘅行业系晶片生产。今年产能上升25％后，明年喺呢方面投资全球达四百二十一亿美元，其中又以记忆晶片投资最多。明年电子产品需求会否一如今年一样劲升？估计明年第二季晶片生产已面对供过于求。
香港零售方面，今年圣诞节相信系1997年回归后最好嘅一年，不但港人消费上升，来自内地，例如深圳、广州、上海、北京等大城市嘅居民亦来港扫货，今年名牌货极度畅销，但零售股又点？虽然营业额大升。但租金及薪金升幅唔细，意味零售股纯利已见顶（炒股票系睇前景，唔系睇眼前）。
搵工居然要考酒量
REITs （Real…Estate Investment Trust）今年表现出色，尤其系领汇（823），但明年会否同样出色？房地产嘅基本因素略为改善；加上资金出路有限，系今年推高 REITs 嘅理由。展望明年，上述因素仍然存在，但相信房地产唔会进一步改善，令明年 REITs 上升空间有限，吸引力远远唔及今年。
〃你的酒量如何？〃上述居然系北京及上海一些大公司面试嘅其中一个问题，部分更当场测试，要求应征大学生当场饮一杯二锅头再问问题，有几个大学生连饮四、五杯一 D 事都冇，便当场录用！搵工居然要考酒量，相信系中国特有！亦可以反映内地嘅问题；公司一有问题就搵高官饮酒食饭搞掂。希望内地饮酒文化适可而止，不然真系失礼死人。
内地人做七嘢也狂！今年股市大旺、楼价不前，唔少内地人开始卖楼去炒股票。从21世纪不动产嘅客户资料睇，依家上海、北京、温州等地唔少房主急于将自己嘅房子变现，不惜售价比同区域同类型房子低5％至10％，条件系买家必须付全款，以便把资金投入股票市场。形成部分房子售价较市场低10％。上述情况更向其他城市蔓延开去，相信好快形成潮流。中国投资者咁疯狂，内地 A 股前景有 D 令人担心【图】！
中日之间经济此消彼长，从澳洲游客数字可见一二。日本游客1996年见顶，共八十一万三千人次，其后按年回落至今，日本游客已减少17％；消费更由2001年起回落，至今已减少25％或十亿澳元。反之，中国游客由1996年至今上升五倍，至二十九万二千人，载家持续高速增长，相信有一天超过日本游客嘅数目及消费金额（今年约二十一亿澳元，较2001年二十八亿元大减）。影响最大系出售澳洲蛋白宝石（opal）嘅店铺，九十年代其门如市，买家以日本人为主，今天生意最低限度跌咗一半。随着日本经济萎缩，各地日本游客（包括香港）大减：反之，中国游客喺世界各地却高速增长！
喺股市内，炒短线不外〃追、揸、沽〃，似乎十分简单。今年5月至今嘅客观环境咁唔友善，往往可令炒友失去食午餐嘅兴趣。短线炒作所产生嘅压力，并非一个未受培训嘅普通散户可以承受。为协助短线炒友，我老曹提供几条禁忌，等各位靠镬铲食饭嘅读者遵守：一、唔好买入嗰 D 股价低于十天移动平均线5％嘅股份。二、唔好买入表现唔及大市嘅弱势股。换言之，只应追入嗰 D 喺十天移动平均数之上嘅股份，并以十天线做止蚀位。永远只炒强势股，除非技高人胆大，不然少涉足低成交额嘅股份，呢类股份波幅往往十分大。炒股票不能只凭直觉，应建立一套方法（methodology），然后严格遵守。
年轻人致富之道系与父母同住。日本人1990年早已咁做：英国人随着楼价上升，愈来愈多人与父母同住；甚至美国人一向崇尚独立自主，亦愈来愈多人与父母同住。与父母同住可节省租金（或供楼）资金！以香港为例，普通住宅单位每尺二十元计，每月可省回一万元，仲有电费、水费、管理费开支亦唔细。换言之，与父母同住者，平均每月可节省一万五千元，一年十八万元。大学毕业后与父母同住多五年，你已较其他人手上多咗一百万元，如好好运用呢一百万元。好易变成小富，原来致富之道就系咁简单！反之，大学毕业后便崇尚独立自住，你便好难获得第一桶金。有第一个一百万元协助，你嘅一生将好辛苦。大部分父母都唔介意子女与自己同住多五年（包括婚后），通常有咗第一个孩子后才搬开，何况上述已系世界潮流。日本人早已咁做，英国人已经咁做，美国人亦咁样做，香港人你有冇咁做？
财富无尽为善最乐
晌世界标准人均收入三千美元一年之前，你嘅收入增加可令你更快乐；一旦超过此数，即使你嘅收入增加，快乐指数所受影响递减。即系话年收入三十万美元者，未必较年收入三万美元者更快乐。以日本人为例，今年肯定较1956年富有许多，但日本人快乐指数由1956年至今变化唔大；今年美国人亦唔见得较一百年前更快乐。1977年 Fred Hirsch 写咗一本书《The Social Limits to Growth》，佢认为人类一旦解决衣食住行，之后所追求嘅快乐系相对性。例如自己拥有嘅车较别人嘅车更豪华；自己子女进入名校而沾沾自喜，因只有10％港人子女可进入；或自己住嘅屋较普通人更豪……。为咗呢 D 抽象嘅东西，可令人类不断追求甚至忍受因炒股票而带来嘅压力。值唔值得？古人有云；知足常乐。请为自己所追求嘅东西设下底线，一旦达到便好好享受其成果，较永远追求无穷无尽嘅财富来得更快乐。如能把自己赚回来嘅财富拿出一部分与人分享，你便更加快乐，因为〃为善最乐〃！
我老曹唔认为炒股票有问题，只认为一切事物皆〃适可而止〃，千万不可过犹不及。恒生指数响呢个水位，各位应该收敛一下自己嘅欲望，而非永远追求无穷无尽嘅财富。金钱令人富有同时获得更大自由，但未必令人更快乐！快乐系另一回事，通常必须限制自己过分嘅欲望，以及学习同别人分享自己嘅财富，才能令自己更快乐。在此愿《信报》所有读者圣诞皆快乐。
大新金融（440）、大新银行（2356）、上海青浦消防（8115）、软迅科技（8182）、龙昌（348）、德信科技（1228）、中新集团（563）、新时代集团（166）停牌。
海天国际（1882）、民安控新（1389）周五新上市。
曹仁超
PDF原文：
原序号：154序号：
4
标题：
小心牛市中嘅巨熊股
来源：
信报
发布日期：
2006…12…23
全文：
12月22日，周五。恒生指数升97。68，收19320。52；成交四百零八亿四千九百多万元。12月期指收19338点，升113点。民安（1389）挂牌较招股价升35％，见二元五角三仙；海天国际（1882）升1％。收三元九角七仙。国寿（2628）升3。8％，见二十四元三角五仙，系2003年12月18日以来最高；平安保险（2318）升3。1％，见三十八元，亦系2004年6月24日上牌以来最高。上海置地（164）升2。3％，见九角，系去年2月22日以来最高，公司以五亿五千五百万元收购一个上海购物商场。
内地外资银行以汇丰网点最多
中国保监会发布规则草案，可能允许保险公司将15％资产投资海外市场。依家中国保险业总资产一万八千九百亿元人民币，即未来将有二千八百三十五亿元可投资海外市场。 Vodafone 计划收购和黄（013）喺印度嘅 Hutchison Essar，令电国际（2332）升3。5％，见十八元二角八仙。印度人口十一亿，只有17％人口拥有流动电话，未来发展空间好大。汇控（005）喺西安开设一家分行，计划进军中国西部地区；家吓汇丰喺中国网点共二十九个，系网点数量最多嘅外资银行。
大新银行（2356）董事来电澄清，大新银行购入重庆市商业银行17％，凯雷集团购入7。9％。相信本港银行入股内地银行嘅消息仍会一再出现。
假期过后，恒生指数系咪有力挑战11月24日高点19404点？机会存在。虽然今年恒生指数上升30，但牛市中亦有唔少股份回荡，并非人人赚钱。2006年投资成绩如何，由阁下嘅选股眼光决定。
今天全球对冲基金数目超过九千只，大部分收费几昂贵，管理费系资产净值2％。另加该年纯利20％。高收费唔代表该基金表现一定出色；事实上，今年表现出色嘅对冲基金约九百只，只占总数十分一其余八千多只表现一般甚至恶劣，回报率甚至唔及九十天存款证回报（5。25％一年）！明年对冲基金经理将面对压力（投资者会反思点解畀咁高昂嘅代价而只获一般回报？）
三农项目仍是中央关注点
2006年即将过去，中国 GDP 增长率估计可达10。5％，系2003年以来连续第四年保持 GDP 10％以上增长。今年中国 GDP 将突破二十万亿元人民币。由2002年 GDP 十二万亿元、全球排名第六，到2006年二十万亿元、全球排名第三，呢几年中国经济增长真系有得顶。政府收入由2002年嘅一万九千亿元，到2006年三万九千亿元，中央有更多资金投入〃三农〃项目。今年〃三农〃支出达三千三百九十七亿元，较上年增加四百二十二亿元；而今年城乡居民收入扣除通胀分别上升11％和6％，即城乡差距仍在拉阔中。点样进一步支持三农项目，仍系中央未来最关注点。
巴西最大铁矿石公司淡水河谷与上海宝钢集团达成协议，明年铁矿砂加价9。5％，明年5月1日生效，即明年5月起每公吨铁矿砂售价四十四点四七美元（家吓系四十点六一美元），估计明年中国将入口三亿五千四百万公吨铁矿砂，较今年上升11％。
铁矿砂明年加幅可接受
铁矿砂2004年加价19％、去年加价72％，今年加价19％后，明年如加价9。5％，仍可接受。上述会否成为明年铁矿砂共同标准仍在洽商中，但淡水河谷股价却因上述消息回落；相信金属价格大升嘅日子已成过去。
2001年起由金属价格及油价上升而推动资源股及能源股嘅升值潮今年结束，今年下半年起进入高原期，而油同金属则进入供求平衡期。2007年再唔系资源或能源股天下（未来只宜炒上落市），未来领袖股是谁？圣诞假期系家人团聚嘅日子同时系好好思考明年应做乜嘢嘅日子。今年恒生指数上升接近30％，有几多人跑赢大市？表现最出色嘅一段日子系6月13日恒生指数由15204。86上升至11月23日嘅19404。01，升幅27。6；11月23日之后股市开始摇摆不定。
请唔好过分相信资产负债表或走势分析，多 D 信自己嘅直觉，许多时你嘅直觉较唔少专家分析更好。唔好相信运气，大部分成功者背后系努力工作嘅结果；清晰头脑配合一定资本、严守纪律、学晓风险管理、勇于止蚀、抵受得住获利回吐嘅引诱，你已接近成功。成功嘅投资唔使记住，失败嘅例子却唔好忘记，以免日后重蹈覆辙。只要努力避免犯严重错误，蚊年便会滚滚而来。
投资要练精学懒
唔好成为群众一分子，唔好被眼前利润吸引，学习从相反角度谂问题，因为成功永远属少数人士，乐极生悲嘅例子经常发生，常常记住〃Too good to be true！〃慨教训。留意警告讯号，所有大灾难发生之前都有先兆，唔会突然发生，只系人们唔留心。请向〃诺亚〃学习，喺晴天之时造好〃方舟〃，而唔系喺船沉之时才搵救生艇。铁达尼号沉没嘅理由，系因为船长过分自信。请记住。一天未获利回吐，你所拥有嘅都只系纸上富贵。唔好沾沾自喜。多 D 留意股价动向，必要时采取行动。市场只酬劳嗰 D 方向正确及时机把握得准嘅投资者，而唔系每周工作六十小时嘅勤力者，勤力嘅人只宜打工，不宜做投资；做投资要〃练精学懒〃。投资唔系群体工作，许多时需要嘅系独立思考能力，保持获得资讯；上述都唔系最重要。最重要系分析能力及决定能力。每天有大量资讯喺各种媒体上出现，获得资讯并唔困难，困难系点样分析及作决定。有时减少 D 资讯反而系好事。分析力与决定力来自清晰头脑，如你有位吵闹嘅伴侣，一定影响你嘅分析力及决定力。如你有一班猪朋狗友令你夜夜笙歌，每天起床唔在状态，都影响你嘅分析力及决定力，因为疲倦的脑袋一定唔系清晰嘅头脑。
中国铜供应偏向国产
当你嘅家人享受你嘅投资成果时。你便明白乜嘢系〃第一位〃！如果你不把投资放喺〃第一位〃，投资市场又点会把你放喺〃第一位〃？
展望明年经济进入整固期。6月13日至11月23日嘅升市，不但收复5、6月份跌幅，而且创新高；不过，11月23日后恒生指数便喺18600至19400点之间上落。年底通常好少出现跌市，即下周股市仍应反覆向上，但1月份系点另当别论。
铜价继续回落，伦敦存铜增加四千六百吨，至十七万七千二百二十五吨；加上智利 Altonorte 冶炼厂为期两天嘅罢工结束，令铜价三美元一磅失守。1至11月中国精炼铜及铜合金进口量较去年同期减35。8％，国内铜供应偏向国产铜资源，令进口缩减。内地铜价成六万一千零八十元人民币一吨，估计六万元支持位好快失守。
中国楼市方面。即将过去嘅2006年极有可能系中国房地产价格高企巅峰年。5月17日〃国六条〃颁布以来，表面上睇仍未能抑制房地产投资过热嘅现象，到明年大批四千元一平方米嘅住宅进入市场后，满足广大中低收入群体嘅居住需求，相信可以令九十平方米以下嘅中小户型住宅房价回落，只余下豪宅市场仍然顽强地寻求突破，出现类似香港嘅现象。由于升幅集中喺豪宅，今年香港一般普通住宅升幅极之有限，升
