曹仁超文集-第139部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
恶性抛售，恒生指数一天之内急跌40％，系典型例子，证明人类喺压力下可以咁非理性。
另一有趣嘅实验系由Tversky及Kahneman两位教授设计，目的系测试投资者面对二十元损失时嘅决定：一接受二十元损失离开；二、接受有30％机会再损失六十元而继续留下去。结果大部分人都选择后者，而唔肯接受二十元嘅眼前损失，证明人类宁可冒更大风险，都唔肯接受眼前嘅小量损失。人类拥有唔认输嘅心态。令大部分人做唔到〃止蚀唔止赚〃，大部分人宁可继续博落去，都唔肯接受眼前二十元损失！
大部分恐慌性抛售呈〃钟型曲线〃（即由最初跌幅有限，渐渐扩大至很大，然后又再收窄，才完成一次恐慌性抛售）。明白呢点，便毋须响别人进入恐慌性抛售时立即入市，可等候〃钟型走势〃完成后才入市吸纳（即恶性抛售往往系U型）。
根据一位名叫Benoit Mandelbrot研究1916至2003年道指嘅结果，共有一千零一个交易天指数波幅大于3。4 ％、三百六十六天波幅大于4。5％、四十八天波幅大于7％。即股市出现短期大波幅日子好多，只系去年6月至今年2月指数才保持稳定上升，最近几天又再大波动。
美国经济正放缓中（去年第四季GDP增长率由3。5％修正为2。7％ ）。美国经济放缓，对股市系好事抑或坏事？1991年美国经济步入放缓期，如当年投资股票，未来有八年牛市；2007年美国经济步入放缓期又点？如果你仲停留喺牛熊理论，似乎太落后啦。我老曹早已接受资产配置论（asset allocation），就系将自己嘅财产放喺边D资产上？1997年前如沽掉香港物业，将资金放喺伦敦物业上；到今天，香港物业除咗豪宅外，大部分仍较1991年低40 ％；反之，伦敦物业大部分上升100％。喺上述日子，全球到底系物业牛市抑或熊市？2000年至今用恒生指数睇，大市似乎升幅有限。但当年揸TMT股同揸资源股嘅分别，前者至今除中移动（941）打和外，大部分仍损失惨重；至于后者，去年已升到唔清唔楚。晌2001年起宽松信贷刺激下，香港楼价自2003年上升，去年6月利率（美元计）重见五厘二五而告一段落，资金流去炒卖五行三保；今年1、2月五行三保股价已偏高，资金又流向炒卖钢铁股及二线股。资金以挑选下一轮赢家（winners）作为投资对象，再唔受困于牛熊论。利用止蚀盘保护既得利润，喺未触及止蚀盘前忍耐，触及止蚀盘后行动，再将资金放喺未来赢家身上……。唔好学〃鸡仔〃，每次有嘢掉下来便大叫〃天要塌下来〃，叫得多有人信。去年5、6月股市下跌12。25％之后，股市亦有问题，更何况呢次跌幅少于10％？虽然个别偏高嘅H股调整幅度已达三分一大部分蓝筹股调整幅度10％。但天并有塌下来。
赢缩输谷人类天性
〃赢缩输谷〃乃人类嘅天性。你到澳门赌钱用一干元买〃大〃赢咗。你会点样？第二铺用三千元或一千元？反之，如果输咗你又会点样？用一百元还是用一千元甚至二千元？点解喺自己赢钱时愈买愈细。喺自己输钱时反而愈买愈大？理由系唔认输嘅心理，你要威！理论上用一千元赢咗变成二千元，代表自己运气好，应该动用三千元（即添多一千元而已），点解冇咁做？反之，输咗一千元，却有勇气动用一千元甚至二千元？理由系希望赢番损失嘅一千元……。赌博或然率系散户赢面48、输面52％，理论上澳门赌场冇理由赚咁多钱（应该系总营业额4％左右），其他利润来自赌仔唔服输嘅心理。结果大部分人都系赢少少便收手唔玩（即赌场只会输DD）；反之，一旦输钱便愈赌愈大（即赌场愈赢愈多）。股市又何尝唔系咁？
老虎科技（8046）停牌。
环球数码创意（8271）、汇隆控股（8021）3月103日；变靓D控殷（8079 ）、软迅科技（8182） 14日；新宇国际（8068） 21日；裕兴科技（8005） 22日公布业绩。
曹仁超
PDF原文：
原序号：183序号：
33
标题：
万九以下宜买入
来源：
信报
发布日期：
2007…03…05
全文：
3月4日，周日。上周股市表现系过去四年中最差嘅一个星期。恒生指数已重返三个月内低点，波幅（volatility）重新扩大，过去好友洋洋得意嘅表情上周已有所收敛，变得神色凝重。2003年4月开始嘅牛市系面对结束抑或只系另一次调整？市场会话畀大家知。根据花旗统计，由1979年至今，呢次系第三十八次标普五百指数出现一天之内下跌3％。过去三十八次短期大跌中，有三十一次喺未来两个月股市倒升，平均升幅6。9％。
今次类似去年调整
有理由相信，呢次调整类似去年5、6月，而非乜嘢熊市。大量对冲基金都希望跑赢大市，结果股市一旦上升4…5％，便有大量对冲基金涌入，将升幅扩大；一旦股市回4…5％，大量对冲基金又涌入，而令跌幅扩大。市场上充斥大量对冲基金，结果令短期波幅扩大，如恒生指数接近19000点（或以下），各位宜买入而非进一步抛售嗰D。喺去年6月入市者，如今获利50％至100％，上述机会响3月底4月初将再出现。
我老曹认同波士顿Essex InvestmentManagement嘅Joseph McNay嘅分析，即多注重行业盛衰及喺上升行业中选龙头股去投资，唔使太理会大市升降。减持周期性股份，增持未来纯利仍上升嘅股份……。中国同印度政府正努力减慢经济增长去控制通胀；企业边际纯利已见顶，唔少周期性股份面对抛售，资金反而流向中价服同细价服，从中寻求增长股。相信利率晌可见将来仍未变。
美国美联银行全球问题经济学家杰伊·布里森话，全球经济基础仍然稳固，各国股市近日下滑局面属于短期调整，而非长期熊市开始，今后几星期可能仲会向下，但世界GDP增长率只由去年4。9％放缓到今年3。9％，因此股市低位有支持。
贝南奇认为，环球化经济过去曾推高能源及商品价格，但同时压抑工业产品价格；能源及商品价格上升嘅压力大部分由生产商承担而非消费者。上述情况有助提升全球人类生活标准及财富，但佢唔评论格蛇上周连续两次预测年底经济出现衰退论。
上周沪深指数回落6％，较年初上升6％；香港国企指数跌幅较大，为13％，但去年升幅接近一倍，相信系获利回利。后市点睇？不宜太早下结论。上海证券交易所总经理朱从玖认为，只系市场一次正常调整，不应大惊小怪。
内地经济学家林毅光认为，人民币汇率年涨3％较合适，佢唔主张大幅升值。
股市愈跌愈引发程式沽盘
上周股市表现似乎从Goldilocks跌落坑渠。超过七个月嘅反覆上升市，似乎响今年2月23日宣布结束，事后解释多多，真正理由系反覆上升嘅日子愈耐，出现10％或以上调整嘅机会愈大。沪探A股指数上周二下跌9％，算不了什么，事关今年沪深A股指数上升23％，今次可视为一次获利回吐；反之，美国次级债券贷款公司Novastar三天之内股价下跌50％，才令人担心。系咩美国信贷泡沫爆破？依家仲唔清楚。2000年3月TMT股泡沫爆破后，格蛇2001年1月起炮制新信贷泡沫；上周佢自己却喺度危言耸听，对经历过九十年代日本楼市泡沫及1997年8月后香港楼市泡沫嘅亚洲人而言，都几心惊。
上周程式买卖占纽约交易所总成交额32。1％，7％系〃指数对冲〃，其余系其他策略。可以讲股市愈跌愈引发更多程式沽盘出现，更多程式沽盘又令股市进一步下跌……。香港情况亦一样，股价下跌令唔少窝轮受压而被抛售，轮价下跌，发行商回购窝轮抛售正股；当正股股价下跌，又令轮价回落……。唔少跌市系条件反射而非深思熟虑形成，理由系股市由资金泛滥所推动。股票市场有如大海，风平浪静之时十分诱人，一旦风云骤变便惊涛骇浪，小则晕船浪，大则连命都有。呢几天已有唔少人后悔今年1。2月未有减持，亦有人欣赏嗰D巨浪所形成嘅奇景，睇嗰D超载嘅船喺海中被抛来抛去。1999年12月及2000年1月美股亦有多天指数升降超过3％，然后喺3月10日出现真正跌市。今年系咪美国信贷泡沫见顶？去年第四季标普五百纯利升幅已大大放缓，如今年第一季纯利升幅继续放缓，便可令美股出现一次较大调整（但经济唔会陷入衰退。例如2000至02年10月美股大幅回落，美国经济亦有出现衰退）；反之，如美股纯利保持高增长，将系美国历史上另一次最长嘅纯利增长期（过去一百年美国企业只有1975至80年保持连续六年企业纯利保持高增长。但至今为止，美国企业已保持连续五年纯利高增长）。换言之，今年美国企业纯利增长放缓机会极大；一旦纯利升幅放缓，P/E便向下炒，可令股价回落。2005、06年发行嘅次级债券中，约20％可能出问题，令金融机构须大幅增加拨备。
上周恒指表现亦有如过山车，大市炒卖二线股作主流。虽然恒指回落唔少，但二线股升幅好大。其次系炒H股回流A股市场，例如中移动（941）、中石油（857）、中海油（883）、中国铝业（2600）、建设银行（939）、神华（1088）、中国财险（2328 ）、中国远洋（1919）等九只都申请回归A股市场，而令H股股价被炒高。
英本月将作最后一次加息
上周日圆升3。6％，见116。85兑1美元，较2月23日嘅121。08上升唔少，系去年12月11日以来最高。上周白银价跌12％、金价跌6。2％，油价亦受压。2月份消费信心跌至91。3（1月份96。9）系五个月内最低，尤其低收入家庭消费信心更大幅回落。MSCI指数上周回落3。5％，见142。78，系去年7月14日以来最大跌幅；日经平均指数下跌5。3％，系去年6月9日以来最大跌幅；沪深指数急跌6。3％，系近十年内少见嘅跌幅；道指上周下挫4。2％。亚太区货币上周亦十分疲弱。英伦银行货币政策成员Danny Blanchflower估计，英国CPI增长率将重返2％或以下。换言之，英伦银行3月份可能作最后一次加息，如英镑见2美元可获利回吐。
周一汇控（005）公布业绩，系龙系蛇好快揭晓。
2001年1月开始由格蛇一手炮制嘅另一楼市泡沫，最后系软着陆抑或系爆破？好大程度视乎未来美国货币供应而定，可惜美国已停止公布M_（3）数字（一般估计增长率10％），咁样只有靠估。基于美国货币供应仍高速增长，相信完成软着陆嘅机会较大，何况已有1990年日本楼市泡爆破及1997年8月香港楼市泡沫爆破供贝南奇参考，相信贝南奇懂得〃小心轻放〃（handle with care），而非好似白眉董咁用〃八万五房屋政策〃刺穿本港楼市泡沫，带来本港负资产一族。不过，格蛇认为今年年底美国有可能衰退亦非笑话，如果各位唔带降落伞去跳飞机，跌死咗与人无尤。
恶性抛售后皆是入市时机
另一方面，每次股市完成恶性抛售后都系入市时机。1989年六四事件如此、1991年波斯湾危机如此、1998港元危机如此、2003年沙士疫情亦如此，即使去年6月日圆unwind后亦如此，今年相信亦唔例外，但喺边一点才系抛售完成，往往事后才知道。约有75％机会恒指响19000点获支持，50％在18000点，极限系17000点。淡市莫估底，今天投资者需要耐性。从UIX指数睇，日圆carry trade仲喺unwind中，相信3月份指数反覆向下。恒指已偏离二百五十天移动平均线好多，一次〃回归〃二百五十天移动平均线行动，已可令唔少散户吓破胆。
喺升市中，亦有唔少公司挣扎求存；喺跌市中，一样有公司纯利大升。面对恒生指数震荡期一样有逆市上升股，投资者唔使因恐慌及迷惑而将优质股同时掷出街！短期睇，个别股份一样可升可跌，尤其系嗰D业绩良好嘅公司，以及去年6月至今相对涨幅唔大及成长中嘅二线股。
已踏入春天了，去年冬季不太冷，今年会否出现〃倒春寒〃？即冬天不冷春天冷？3月份可揭晓。经过去年大幅上升后，今年股市唔似去年般吸引，因获利丰厚者随时抛售，但市场资金充沛嘅形势未改，股价下跌亦有资金肯承接，加上股市早已多元化，行业繁多，包括地产、旅游、电力、钢铁、汽车、银行、保险、本港零售、海外零售及内地零售股。
依赖低工资企业压力加大
元宵过后，珠三角一带企业发现招工愈来愈困难。一家从来有为搵唔到工人而担心嘅中山市某家具厂话，春节回家过年嘅工人占全厂六千多人中嘅一半，到家吓为止，超过一千多工人仲未回厂上班，工人流失太严重了。其中一个做咗八年嘅老工人一早讲明返四川后，决定今年到长三角地区搵工，因为响中山工作一天做足十二小时，太累啦，而一个月收入只有八百元人民币，老乡话去苏州打工每月可赚一千四百元。上述唔系佢一个人嘅感受，几个从甘肃庆阳农村来深圳打工者，回乡后亦有返来。珠三角一带工厂大部分底薪低，工作必须加班才能够多赚D钱，过去十年工资只提升二百元；反之，长三角一带近年工资大幅上升。过去珠三角嘅繁荣建基于中国内地提供大量廉价劳动力，此一优势渐渐失去。面对劳工荒，春节后46％企业将员工薪金提升至九百至一千二百元一个月，即加薪25％以留住员工。如此一来，嗰D依赖低工资企业便面对更大压力。廉价劳动力时代已走到尽头，情况有D似1980年代香港。
全国工商联副主席黄孟复话，民企系国象自主创新最具活力嘅生力军，70％技术创新、65％国内发明专利及80％以上新产品都来自民企，而95％以上中小企非公有企业，但同国企比较，地位仲差好多，希望政府善待民企。唔少行业如邮政、通讯、广播电视、电力及金融行业仍存在一道玻璃门，令民企无法进入，银行信贷上对民企亦有种种唔合理嘅条件限制，内外资企业统一税制改革仍在研究制订中。改革开放二十八年，全国只有四百九十四万七千家民�
