曹仁超文集-第162部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
蛭赫ち遥氵碜鲇腥俗觯痪弑腹适右皢﨏EO，却可协助一间公司发展成为跨国企业，许多时年薪一千万元仍留佢唔住，因为其他企业愿付二千万元甚至三千万元高薪挖角。月入六千元者，却要面对企业为削减开支（例如将公司移入内地），分分钟连六千元收入嘅工作亦失去。全球面对嘅问题：普通职员易得，精英难求。今天香港CEO收入仍未达到普通职员平均薪金四百七十五倍，即未来两极化现象只会恶化而非收窄。
喺密歇根州（两大次级按揭贷款公司New Cenfury Financial及Ameriquest Mortgage Co。总部所在地）2001年至今共失去三十万五千个职位，主因系汽车工业走下坡，美国汽车工业正被印度、中国同南韩汽车工业所取代。单系2005年7月至06年6月，已约有六万五千人离开密歇根州到其他州搵食。密歇根州已被联邦政府正式列入〃穷州〃，著名城市底特律楼价自2001年走下坡，一直未真正好过。整个密歇根州随着美国汽车业不景气而下沉，因此引发次级按揭债券问题。不过，密歇根州楼价问题会否影响Google所在地？Google近年为美国制造咗唔少百万富翁。美国好大，自从贝南奇出任联储局主席以来，佢所推行嘅Goldilocks政策，不但令股市出现个别发展，连美国唔同州唔同城市经济亦出现个别发展。
香港亦一样，如果你唔属于富有阶级、有进取性格、唔懂得闷声发大财之道，1997年至今投资成绩系点？过去十年股市可预测性愈来愈低，只有20％家庭财富喺过去十年增加70％，其余唔系减少咗就系原地踏步。过去十年投资策略最重要系正确timing，其他都变成次要。利用timing作为投资策略之前，你必须先拥有一定财富，才够胆〃逆市而行〃。例如2003年买豪宅，别人失业你却买豪宅？至于进取性格唔少人到四十岁拥有三几百万元后便大嗌退休。想唔使做嘅人实在太多，亦好难喺摇摆不定嘅投资市场继续赚钱。至于闷声发大财，近年因为市场上能够赚大钱嘅项目都无法容纳太多人加入，同时会先吃掉嗰D天真嘅投资者（unsophisticated investors）。
猪的性格难变成狮子
唔少人希望买入后立即上升、卖出后立即下跌；反观大户入货愈买愈低、大户出货愈卖愈贵。佢地明白大趋势，利用大趋势去赚大钱；但散户最喜欢即食面！性格系决定投资成败嘅主因。江山易改，本性难移，冇呢方面性格好难培养。因此，trading唔系人人可以做得好。作出一个正确决定，涉及大量数据分析及懂得控制自己情绪，明白整个大框框（（big themes）非一般人想像中容易，亦非凭直觉可以行事。例如猪无时无刻都搵食物，却极容易被人宰杀；反之狮子可以十五天内唔食嘢，一旦攻击必致猎物于死地。过去五年我老曹以为凭训练可改变一个拥有〃猪〃性格嘅朋友变成〃狮子〃性格，到2005年不得不放弃，因为佢永远喜欢追逐蝇头小利，因此而失去赚大钱机会。性格系冇得改嘅，最后不得不同意法国哲学家AlbertCamus嘅理论：人类对抉择往往表现畏缩，遇到危险采取逃避而非面对，要求投资者止蚀唔止赚，较教佢地登天更难！
大部分投资者需要嘅系对事物嘅结论而非讨论，所以提供〃跟我买〃嘅分析员永远有追随者，而要求别人独立思考者永远孤独。何况成功拣股者（Stockpicker）并唔容易做，通常每年只有三几只出现，一唔小心便错过。
中联石油化工（346）、光彩未来（8071）、航科通信（1185）停牌。
联合集团（373）、联合地产（056）、福方国际（885）、香港建设（190）、卡森国际（496）4月16日；雅视光学（1120）、中国人寿（2628）、阜丰集团（546）、友佳国际（2398）、泰盛实业（1159）、光星电子（2310）、新华联国际（472）、创信国际（676）、中国财险（2328）、川河集团（281）、崇高国际（209）、奥亮集团（547）、潍柴动力（2338）17日；中怡精细化工（2341）、巨涛海洋石油（3303）、万裕国际（894）、台一国际（1808）、天津创业环保（1065）18日；中国网络资本（383）、王朝酒业（828）、金达控股（528）、天津发展（882）19日；中国特钢（2889）、远东控股国际（036）20日；永恩国际（210）23日公布业绩。
曹仁超
PDF原文：
原序号：214序号：
14
标题：
炒楼吸引力唔及股票
来源：
信报
发布日期：
2006…11…18
全文：
11月17日，周五。恒生指数升28。64，收19182。71；成交五百零七亿六千八百多万元。11月期指微微低水，升46点，收19151点。油价回落，令全球航空股皆上升，例如大韩航空升3％，见三万六千五百五十韩圜；内地上海航空升7。2％，成二元九角八分人民币；南方航空A股升5。8％；报三元八角一分人民币（较H股高出11％）；海南航空升10％，报三元零四分人民币；东方航空A股升9。9％，报三元一角一分人民币。全世界航空股揸家未到感恩节，已经好想感恩。
中国最大晶圆代工厂中芯国际（981）喺北京控告台积电（台积电则喺美国控告中芯未履行2005年1月嘅协定）。中芯股价由2004年3月上市时二元五角回落到最近九角二仙，跌幅63。2％；投资中芯嘅股东，不知何日才见家乡。
住宅楼市变回用家市场
11月国产彩电零售价进一步下调。例如雅佳三十七英寸新品液晶电视定价七千五百元人民币，康佳、创维（751）、长虹等亦追随；另一方面，材料、人工费用却上升，估计今年下半年彩电生产商利润冻过水！根据Wits View 11月份统计结果，三十七英寸液晶面板平均售价五百二十五至五百三十五美元（约四千一百二十多至四千二百元人民币），其他材料及工资成本二百三十美元（约一千八百元人民币），出厂成本每台六千元人民币左右，加上10％渠道费（由工厂到零售店成本），以六千六百元人民币出售嘅话，生产商及零售商皆白做，依家零售价七千五百元，毛利率13。6％（要由生产商及零售商去分），相信零售价已到咗接近无利可图嘅水平，再减便要蚀本。由此可见平面电视市场杀到天昏地暗，投资生产电子消费品嘅股份宜小心。
房委会宣布明年初恢复推售居屋，首期涉及三千零五十六伙。我老曹睇法系，去年10月起本港普通住宅楼市已变回用家市场，投资者正逐步退出（因为炒股票较炒楼吸引），形成普通住宅楼价平稳，此乃用家市场慨特色，今后住宅单位系买嚟住，唔系买嚟炒慨！或者可以讲住宅楼市已进入好难炒时期，吸引力始终唔及股票，令资金去年10月起由炒住宅物业市场流向股票市场。我老曹对明年住宅楼市睇法维持不变，只得〃平稳〃两个字。比较上痛苦系地产代理商，楼市进入平稳期，有得炒，交投自然淡静，去年10月至今楼市已淡静一年，恐怕未来一年楼市仍然淡静，如以为明年6月减息而睇好楼市，恐怕又捉错用神（2001年1月至2003年6月本港利率下降，楼市又如何？！）。除咗部分豪宅，大部分住宅楼已进入稳定期，冇乜上落；今时今日加入〃上车盘〃一族，小心上车容易落车难，尤其系嗰D四、五百尺楼面嘅住宅单位早已供过于求，市场上仍然较为缺货者系嗰D一千尺或以上嘅大单位。香港住宅楼市经过2003年9月至2005年10月大反弹后，又再静下来。2003年9月政府推出〃孙九招〃，变相大量减少土地供应，由地价上升推动楼价上升（即成本上升推动，而非需求上升推动）；加上银行间爆发按揭利率减价战，以及2003年第四季起本港GDP增长率上升、失业率下降，曾令本港普通住宅楼价上升两年。但本港工资（尤其中产阶级工资）2003年至今升幅唔大（金融业除外），形成楼换楼需求好视乎供楼能力去决定。一般中产阶级1997至2003年面对楼价下跌，早已元气大伤；再加上2000年3月后科网股泡沫打击，能够保存实力者，相信2003年9月到06年9月早已入市，剩余嘅楼市购买力唔多，尤其唔少专业人士已回国搵食（内地专业人士薪金较本港高30％，而生活水平低50％），形成去年10月至今普通住宅楼价形成胶着状态。展望未来，睇唔到本港中产阶级薪金有大幅上升嘅机会（环球化压力所造成嘅后果），所以我老曹亦睇唔到本港普通住宅楼有大幅上升嘅空间。因此，买楼自住尚可，如投资普通住宅楼？不如学李兆基去股票市场搵食（自己唔识，搵叻人去跟）。近期股市微微超买，短期或需要调整，但有大跌讯号出现。有智慧不如趁势，订下止蚀盘，喺大市未触及止蚀位前，唔使急于止赚。冇人靠止赚发达，但炒家命运系愈炒愈少。
股市派对系咪就快结束？睇落又唔似，股市仍在玩Bandwagon游戏，例如航空股唔系一飞冲天咩？你有冇忘记上机？喺依家略高嘅股票市场找寻投资项目，真系考分析员眼光，搵唔到投资对象，唔系市场内冇，而系分析员眼光唔够好。例如内地金融股近期唔系好生猛咩？如果仍然只识睇恒生指数者，请买个放大镜，follow the money。如果连海嘅流向都唔知，点叫做老水手（old hands）？今年通街都系钱，只睇你识唔识执（或者你肯唔肯放低身段去执）。
廉航做唔到商务客
US Airways提出四十亿美元另加四十七亿美元股票收购达美，代表美国航空界认为航空业正进入复苏期！如收购成功，可成为全美最大航空公司；反之，廉价机票航空公司面对竞争压力，乘搭飞机者除咗考虑机票售价因素外，亦考虑其他因素。以港龙机票为例，售价较东方航空（670）贵15％左右，去上海嘅机票却系港龙首先客满，理由系港龙航空比较上少误点，东方航空误点如家常便饭，如果你坐嗰次准时起飞，真系你家山发。廉价航空做唔到商务旅客，大部分只做嗰D觉得时间唔值钱嘅搭客为主。
2000年起油价上升、科网股泡沫爆破，美国航空业便走下坡（香港2003年更陷低潮，受惠于自由行，2003年下半年已复苏），直到油价今年8月回落，美国航空业才再抬头，家吓已进入超买区，短期有获利回吐压力，中长线继续睇好。
花旗银行今天推介新世界中国（917），理由系市价仍较NAV低30％，系投资内地房地产公司中最大折让者。如睇好明年内地房地产股（改会计制度令明年纯利急升），新世界中国有值得一博嘅地方。
今年美国财赤估计上升至八千亿美元。不过，民主党计划做一个较负责任嘅政府，建议政府开始削减财赤，美元又点睇？人民创造财富（唔系政府，政府只负责保护人民所创造嘅财富），尤其系有远见及有决断力嘅人，或有才能嘅人创造大量财富而影响普通人嘅生活。政府嘅责任系维持一个公平、公正及公义嘅社会，让人民自由自在地创造财富，不受任何逼害（例如过去共产党曾逼害国内嘅财富创造者）。只要人民感觉到可以自由自在地创造财富或享受财富，以及自己财富受政府保护，企业精神便大量涌现，你可以发现人原来系咁如此天才横溢、咁有眼光、咁有才华……道理似乎好简单，但许多政客都唔明。有D政客认为应该打劫有钱佬去接济穷人，以为自己系罗宾汉（另一理由系政客自己亦唔系有钱），结果令经济不前。有D政客一旦掌权，便没收人民辛苦创造嘅财富去分畀其他穷人，结果举国皆穷。
美国撤军沙地脚软
无论行乜嘢制度，社会上必然有20％人口需要照顾。产生上述情况嘅理由很多，但唔系因为无良雇主，只系市场并非完美。为确保社会和谐，政府有责任照顾呢20％人口，令佢地生活得有尊严；如希望有较佳生活质素，请自己努力啦。上述才是激励创富嘅政策。何谓合理税制？就系多一D便打击人民创富欲望、少一D政府又唔够使。从2001年美国政府退税可刺激经济繁荣睇，代表美国税率已太高；反之，香港政府加多一DD税或减少一DD税，对经济似乎有影响。从呢点睇，合理税率应该介乎15％至18％之间，而且愈简单愈好！上述税率既唔打击创富欲，香港政府亦够使（此法已行之一百五十年有多，直到1990至97年楼市兴旺期，香港政府使大咗，一时收唔番才出现财赤）。
中国政府喺引入外资嘅标准税率亦系15％，证明15％税率唔打击创意欲望。希望各国政府学晓尊重15％标准税，唔好开口埋口要改税率。
上月OPEC减产4。4％或每天一百二十万桶，仍无法阻止油价低于六十美元，12月期油电子交易时段见五十五点九九美元，系10月7日以嚟最大跌幅。另一理由系12月期油合约今天到期，唔少人要计蚀本数。11月17日油价跌幅系去年8月17日以嚟最大；反之，1月期油成五十八点五五美元，只跌3。4％，可见油价已超卖。美国北方天气温暖主要受厄尔尼诺影响，美国气象局估计，今年12月至明年2月气温较正常高，大大减少对燃油需求。厄尔尼诺乃南美洲海洋暖流，所到之处可令冬季气温不太冷，例如温哥华。美国气象局估计，今年此暖流将流向美国北岸。今年8月美国国会通过《能源独立法案》又系咪油价由七十八点五美元回落嘅因素？乙醇又系咪有一天真能成为替代能源？世界并非缺乏石油，只系缺乏先进开采技术，例如深海油田、油页岩、油砂、煤变油、天然气液化等，人类晌呢方面开采技术仍未成熟，不然单系深海油田开采，已可令地球已知石油蕴藏量上升一倍（未计油页岩及油砂）。人类科技已可到达第二个星球，但采油技术仍停留喺七十年代，理由系采油赚唔到大钱，系造成呢次石油危机嘅底因，冇证据证明人类喺2020年前有石油供应短缺危机！油价高低，除咗供求因素外，地绿政治亦好重要。例如中东局势紧张，可令油价每桶多二十美元。伊拉克战争代价不但系美军三千人死亡、三万五千人受伤及
