曹仁超文集-第190部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
分一，需要三点六年；如调整二分一，需时五点五年，即最快2010年才完成美国楼市调整。过去三十年美国楼价平均每年升幅只有7％，最近几乎每年可上升20…25％。例如加州及佛州过去四、五年楼价上升100％系唔正常嘅，估计未来六年美国楼价系零增长（或由高价回落30％，以每年回落5％计，相信影响唔大）。
中国新兴中产阶级人口正由四千五百万人喺十年内变成四亿五千万，中国新兴中产阶级开始花钱，嗰D可以赚佢地钱嘅公司，未来纯利何止扩大十倍！改革开放政策落实后，出生嘅中国人接受教育程度较高，因此收入较好（唔再系工厂打工妹），近年正进入适婚年龄希望独立生活，购买目标系一百万元人民币或以下嘅住宅（约八百尺），因为手上金钱唔多，只能畀首期30％、收入40％用嚟供楼，然后添置家私、努力工作……，造就内地房地产一片繁荣，银行业住宅按揭需求大增，家私、家电等需求急升……。上述情况七、八十年代亦喺香港出现，依家却喺内地重演。佢地月入三千至五千元人民币（两口子收入八千元左右），所以每年只能来港一次，买D名牌衣物向同僚展示（一如七、八十年代港人去完东南亚旅行后，约亲戚朋友饮茶睇旅行相，或送D冇用嘅菲律宾木雕或日本茶点）。如佢地喺〃五·一〃黄金周嚟过香港，今年〃十·一〃黄金周便唔来，改为喺内地旅行，可以悭D钱，因为佢地嘅下一代快出世了！七、八十年代响香港发生嘅事物，正在内地大城市重演。从呢个角度去思考内地经济发展，大方向应该有错。
住房作为生活必需品，各国政府十分关注。中央政府对中国住宅房建设规划订为住房建筑面积九十平方米或以下占新批商品房总面积70％以上，好合理！以新加坡为例，一百平方米以下住房占总供应量80％，香港（唔包括公屋）占私人住房92。74％。去年底本港私人住宅单位共一百零五万三千二百四十六个，其中一百平方米以上一百六十平方米以下共五万三千八百一十三个，一百六十平方米以上共二万二千五百一十三个。如把公屋及居屋计算在内，喺本港居住一百平方米以上嘅住房家庭只占总人口2。55％，喺本港凡一千尺以上住房皆叫〃豪宅〃，香港系极端例子。但以新加坡为例，一百平方米以上住房亦只占整个房屋市场20％，但中国2004及05年建造住宅有一半系一百五十平方米以上，结果产生有屋有人住（买唔起或租唔起）、有人冇屋住嘅问题。
联合国对全球一百零七个国家进行调查，得出标准系楼价应系一个家庭总收入三至六倍，每月供楼占可支配收入（即税后）28…35％，楼按不应超过家庭总资产50％。当然，上述国际标准有好多地区都超过，不过仍有参考价值。月入五万元（两夫妇计）嘅香港中产阶级，可考虑购买三百六十万元左右物业；月入十万元者（两夫妇计），可考虑购入七百二十万元住房，便唔算过分。内地中产阶级月入只系八千元左右，却购买一百万元左右嘅住房，系过分负担，只有希望未来五年内地中产阶级收入上升100％，才可应付依家嘅内地楼价。
内地物业市场问题系豪宅（一百五十平方米以上）太多、普通住房（一百平方米以下）太少，造成错配，情况有D似1981年嘅香港。当年太古城住宅单位卖一千二百元一尺，1983年回落到六百元一尺，到1987年才重新打破一千二百元一尺，调整期六年。上海楼价去年见顶后，估计亦需五年左右调整才完成消化，即下一轮上海楼价上升期估计要到2010年才开始。
根据20/80理论，新加坡20％人口住房一百平方米以上最为合适，本港住房只有2。55％系一百平方米以上，此乃2003年起本港豪宅售价愈升愈高嘅理由。但内地50％以上住房喺一百五十平方米以上，相信系因为过去中国好少豪宅供应嘅特殊现象（内地20％人口突然富起来）。未来经济房、廉租房加入竞争后，商品房中有30％系豪宅，应该系合适比例。反之 ，香港特区政府应鼓励多建一百平方米或以上住宅，因为所占比重太少，形成豪宅售价较普通住房距离太大，未能适合市场形势，亦形成错配现象。
北韩有乜军事威胁力
〃十·一〃黄金周已过，今年打破〃九金十银〃情况，内地楼市走唔出〃观望〃两个字：二手房面对新房市场大量促销，中介人公司变得更冷清，未见回暖迹象。一手房亦面对外资购房限制、限期开工、限期销售等方面监管力度加强，价格虽然企稳，但销量已大不如前。
Google购入YouTube，唔少人话贵，并以为2000年科网股时代重临。当年唔计赚钱，只计眼球及浏览次数；依家唔同，计CPM （Cost per page Money），即每页可收多少广告费。YauTube有一亿一千万条录影带（包括巴士阿叔）及五千五百万个忠实支持者，一如每千人广告费十美元，每页可放两条广告费，每个支持者平均每次浏览五或十页计，YouTube一个月广告收入五百万美元或一年六千万美元。如利用Google基建项目发放录影带，成本极之便宜；如以一年获利三千万美元计，以十六亿美元收购，P/E三十七点五倍（GoogleP/E六十三倍）上述已经系最保守估计。
去年网上广告达一百六十亿美元一年；网上录影带广告系三亿七千万美元一年，eMarketer估计，网上广告年增长率8％，即2010年呢方面营业额可达三百亿美元！如YouTube可占其中几个巴仙，已经十分惊人！何况Google系发行新股收购。当然，YouTube三位创办人喺三年内已赚取二亿美元，令人羡慕，唔少人话Google买得贵，其实计落却一D都唔贵。YouTube占网上录映带浏览率46％，新闻集团的MySpace只占23％Google占10％；收购后Google占网上录影带浏览率56％，占有垄断者地位！收购后更可进军网上音乐市场。
10月9日北韩核试成功，相信除咗可以威胁南韩汉城外，其余国家都唔受威胁（包括俄罗斯、中国同日本）。美国军舰小鹰号（Kitty Hawk）仲喺日本横滨，美军大量驻守喺冲绳岛，只需一星期时间已可开到北韩海域，以巡航飞弹及战斧飞弹摧毁北韩大部分军事设施，较攻打阿富汗及伊拉克更容易（只要中国同俄罗斯唔插手）。驻响南韩边界嘅美兵只需传统武器，喺强力空军支援下，随时可攻入平壤。北韩只有一百支飞弹，除咗向南韩实施报复外（或者会有一、两支可射咗去日本海），但因技术水平唔高，命中率差及非常容易拦截，能够造成嘅破坏唔大。换言之，真正受威胁嘅只有南韩经济，北韩有威胁中国、俄罗斯同日本嘅军事力量。依家已经唔系韩战时代，以现代武器，美国唔使三十日已可将北韩所有军事力量消灭（除非中、俄插手）。所以北韩核试除咗南韩外，对别国一D威胁都冇。佢搞核试只系想话畀人知一唔好当佢有到也！又系另一唔要裤子只要核子嘅演示，真系十分可怜。
上海栋华（8251）、奥玛仕（959）停牌。
建懋国际（108）、亨泰（197）、东方报业集团（018）、天年生物（1178）、软迅科技（8182）、天业节水（8280）10月20日；中电控股（002）、黢雷国际（070）、纪翰集团（2330） 24日；三宝科技（8287） 26日公布业绩。
曹仁超
PDF原文：
原序号：253序号：
3
标题：
油价进入回落周期
来源：
信报
发布日期：
2006…10…13
全文：
10月12日，周四。恒生指数升10。30，收17873。09；成交三百四十四亿三千八百多万元。10月期指高水，升101点，收17947点。中国国航（753）9月份载客量升16％、客座率79。7％（去年同期78。2％）；国泰航空（293）9月份客运量升4。6％、客座率76。6％（去年同期76。4％ ）。航空业需求增速已超过客运量增速，代表航空公司获利能力在提升；加上7月14日至今油价下跌27％【图】，今年第三季航空公司纯利上升系必然之事，第四季纯利更进一步上升。
成熟股市以机构投资者为主
股市愈来愈成熟，机构投资者渐成市场主流，取代往日散户嘅地位。例如2005/06年度6月哈佛大学呢间全世界最富有嘅大学，投资组合升16。7％，至接近三百亿美元；排名第二嘅耶鲁大学投资组合更上升30％，至一百八十亿美元。美国十大学府2005/06年度投资组合皆有出色表现，同期道指由去年7月1日10400点升至今年6月30日11150点，只升7。2％。
大部分散户在升市中赚钱，在跌市中蚀本，在上落市中不知所措，或者系时候向美国十大学府学习投资策略，就系如何将资产分配（asset allocation）。我地要明白股市只有五分一时间系大牛市、五分一时间系大熊市，其余五分三时间系上落市！如我地只能喺大牛市中赚钱，便浪费其余五分四时间；反之，如我地能够喺上落市中赚钱，便只有五分一时间赚唔到钱。如我地学晓喺熊市中赚钱，咁便唔会有时间系浪费嘅。投资策略可分为进取、稳健及保守。牛市初现，例如2003年4月恒生指数由8331点起步至2004年3月14000点，投资策略宜进取；2004年3月起进入第二阶段，投资策略宜稳健，即将部分资金由股市转向债市或另类投资如商品（黄金）及外汇，继续把60 ％资金留喺股市同时投资强势股（即上升行业中龙头股）。甚至学习抛空弱势股（即弱势行业内嘅股份），利用唔同行业互有升降嘅特性去获利，利用呢段反覆上升期去买卖唔同行业股份，通常呢段时间可维持两至三年。当接近估计升幅后，投资策略进一步保守，例如30％资金留喺股市。60％转向债市，只余10％作另类投资。
梧桐一叶落，天下尽知秋。黄金今年5月起回落，客观环境已话畀大家知炒卖原材料期今年5月起开始已结束，如继续留恋自然误事。资金由商品市场回流股市，令股价受资金推动上升，而非因为企业业绩，上述讯号亦代表投资策略应开始走向保守期（但唔代表股市即时下跌，通常反而大升）。另一讯号系孳息倒转，通常代表经济增长率喺六个月内放缓；今年第二季美国GDP增长率已放缓。代表股市上升周期已进入尾声（但唔知可维持几耐及升幅几大）。
财赤收窄有助美元强势
股票市场吸引力在于佢并非有效率市场（Efficient Market），理由系投资者非理性反应，往往令股价如果唔系偏高就系偏低，出现合理价嘅时间极短。人们嘅实念，欲望往往将股价推至偏高；人们嘅恐惧、失望又将股价推至偏低。有智慧嘅投资者可把握股价偏高时获利、偏低时吸纳，从中获利。技术分析，基础分析、市场心理，都有助各位知道边D股份已偏高、边D股份偏低。从而加以利用。长线策略应以基础分析为主，决定何时买卖技术分析有帮助；至于最短线则有赖捕捉市场心理。长，中、短三结合，自然无往而不利。
2005/06年度美国政府财赤只有二千五百亿美元，较2月殊仔估计嘅四千二百三十亿美元少好多，较2004/05年度财赤三千一百八十亿美元减21。38％，亦较2003/04年度纪录性财赤四千一百三十亿美元少；虽然仍较2001/02年度财赤一千五百八十亿美元大，但美国政府财赤已连续两年减少，并估计2006/07年度财赤进一步减少，理由系税收2005/06年度上升12％，未来一年可进一步增加，上述情况有助美元强势。
唔好以为对冲基金一定赢。对冲基金管理公司Vega Asset Management两年多前管理一百二十亿美元资产。系全球数一数二嘅基金管理公司，主力系债券；今年1月止资产已下降至六十亿美元，依家进一步下降至三十亿美元，较两年半前缩水75％！主因系该公司赌美国、欧洲及日本债券喺短期利率上升中回落（2004年6月起美国利率由一厘升至家吓嘅五厘二五）而抛空。佢嘅分析好合理，结果短息上升咗，但长债息率却唔升，债券价格不跌反升，令旗下基金损失惨重。投资市场再一次证明有大户散户之分，只有输家同赢家。2003年6月至今短期利率上升之时一债券价格不跌反升？理由系中国同OPEC国家不断购入债券。
东风渐压西风，财富正一步步由西方移向东方。中国人同印度人嘅勤劳，近年渐把过去二百五十年东方失去嘅财富赚回来！长线而言，投资中国同印度必较投资美国同欧洲好。以中国为例，人均收入正以每六年翻一番嘅速度上升；反观美国人均收入1990年至今扣除通胀率只升11％；日本人同欧洲人均收入1990年至今扣除通胀有上升几多；1990年至今真正富起来嘅系中国人同印度人。工业革命过去为西方国家带来嘅势正慢慢消失，太极图显示世界永远系此消彼长，有永恒呢回事。二百五十多年前工业革命喺英国开始。令西方经济日益强大；1978年中国嘅改革开放政策，令中国人可以用自己嘅辛劳将财富慢慢赚回来！由贫穷到小康通常需要二十五年时间，由小康到富裕又需要二十五年，中国已完成由贫穷到小康，能否由小康到富裕？2028年便知道。美国经济繁荣高潮喺2002年，2002年10月至今只系一次反弹而非另一涨潮；反之，中国仍系涨潮。
美国原油蕴藏量其实好丰富，主要喺犹他州、科罗拉多州及怀俄明州嘅油页岩，一旦开采，可令美国唔使再入口石油！爱沙尼亚、巴西等早已开采油页岩；反之，拥有全球72％蕴藏量嘅美国却唔开采。理由系过去八十年向外国买油较自己开采划算。近年油价狂升。去年8月8日殊仔签咗《The Energy Policy Act of 2005》将嗰D列入Green River Formation嘅土地重新向油公司开放，今年1月接受六间公司申请勘探油页岩技术。其中三间入围，估计其中一间最后获政府接受，以无污染开采油页岩技术嘅商业方法开采油页岩，同时唔会污染雨水收集区！一个多达二万亿桶石油蕴藏量嘅Green River Formation区将向采油机构开放，
