曹仁超文集-第248部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
仍会将全球利率推高几多？油价会否突破去年高点80美元？金价能否破去年高位730美元？美国住宅楼价会否再跌20…30％？资讯科技会否再次改变世界？趋势不断形成，亦不断消失。喺趋势形成时加入，响趋势消失时离开。未来在形成中嘅趋势又会系乜嘢？
沿海家园（1124） 7月25日；中汽资源（729）、中民燃气（681）、中国科技（985）、台和商事（1037）、民丰控股（279）、Gay Giano （686）、锦兴集团（275）、德祥企业（372）、太平洋恩利（1174）、东方明珠创业（632）、泰德阳光（307）、佑威国际（627） 27日；奥玛仕（959）、中国地产（1838）、精优药业（858）、捷诚科技（987）、福茂（462）、Nam Tai EEP （2633）、东润拓展（467） 30日；创兴银行（1111）、廖创兴企业（194）8月9日；永亨银行（302）16日公布业绩。
曹仁超
PDF原文：
原序号：341序号：
41
标题：
秋官又成为话题
来源：
信报
发布日期：
2007…07…23
全文：
7月22日，周日。秋官嘅“丁蟹效应”似乎又发生作用。上周五亚视播《荣归》，收视率差唔多跳升100％，由3点升至5。5点。每逢秋官有新剧推出，股市都下跌，睇嚟周一港股亦逃不出“一跌”命运（上述只供茶余饭后讲笑之用，非正统分析也）。真正理由系美亚证券旗下两只次按债券基金吓死人，再加上美国进入公布第二季业绩期。
恒指二万三有排浮沉
Google及Caterpillar业绩未符预期；Google第一季业绩令人喜出望外，令投资界对其第二季业绩有过高要求，但希望愈大失望愈大，Google纯利较预期少，令周五股价跌5。2％，见520。12美元；CAT亦因上述理由，股价跌4。4％，见83。2美元。股价由公司业绩决定，香港亦一样；业绩较估计好者股价大升特升，业绩未达标者股价立即大幅回落冇面畀。点样喺bad market做一个good stock…picker？拣股唔炒市去年6月已开始，依家人人晓讲，但晓做者唔系咁多。
美国ABX指数今年1月至今跌幅已超过50％，代表次按问题仍在恶化；加上内地“双拳出击”，存贷利率上调0。27厘，以及8月15日起利息税由20％降至5％，流动资金泛滥情况渐受控制，过去由资金推动上升嘅恒指会否止于23000点附近？木宰羊。未来起码仲有一大段日子响呢个水平浮沉，最终还看内地CPI升幅下半年会受控制或系进一步恶化而定。一年期存款利率3。1635厘，系对抗不了CPI升幅4。4％嘅；但贷款利率已高出CPI升幅2厘，有一定压力，起码内地楼市热潮受压。
信置（083）宣布以41。38亿元投得成都地王，平均每方米3；390元人民币（315元人民币一尺），占地366。54亩，系成都十幅拍卖地中最大嘅一幅；信置近年喺内地投资亦大幅增加。
十年前亚洲金融风暴后，香港进入贫者愈贫、富者愈富嘅“二八年华”期（即20％人口富起来，80％人口贫穷咗）。富起来嘅港人自2003年起成为豪宅买家，佢地嘅要求系：一有大玻璃窗可望海景；二、保安措施一流；三、提供酒店式管理服务，例如健身室、泳池、会所、儿童休憩间，绿化面积起码占整个项目25％以上；四、居住面积1000尺或以上，例如三房一厅及有工人房，令呢批新贵足不出户可享受高品质生活。入住者主要系40岁至50岁嘅专业人士，包括医生、律师、企业高层管理人员及金融业从业员，即嗰D年薪喺100万元或以上者。上述豪宅售价喺1000万元左右最受欢迎，买家主力系嗰D喺过去十年富起来嘅港人。至于真正豪宅即几千万元以上，买家主要系内地新贵，内地唔少成功生意人身家以亿元计，花几千万元来港买间香港豪宅晒吓命过吓瘾也。
宽松信贷系投机源头
响一个资本主义社会，资本财（capital assets）除咗由可产生利润多少去决定价值外，喺一个利用负债去finance嘅环境下，资本财嘅价值往往亦由可再出售价值去决定依家嘅价值（即买嚟卖）。响咁嘅情况下，必定引发投机，不但买家心存投机，甚至提供贷款嘅银行家亦为咗资金出路问题而被迫投机。简单D讲，宽松信贷系引发投机嘅源头，例如1989年5月至97年8月嘅香港及2001年1月至今嘅中国内地，都系因资本财由可产生利润多少去评估价值，转为可再出售价值去决定依家嘅价值，引发投机行为。上述错失1980年代日本初犯，1990年代由香港及东南亚国家重演，21世纪轮到中国。金融市场不但冇从日本、香港及东亚市场失误中汲取教训，反而利用呢D经验去评估中国市场及内地投资者嘅心理，人人希望从经济泡沫中获利。
喺上述环境下，带来令人惊喜利润嘅投资必须符合三“R”（Right place，Right time，Right item）。分析大师Greg Guenthner教我地应以小本博大利，就系每次动用投资本金10％去博取一倍到十倍利润；由于只动用全部本金10％，即使损失惨重。亦只会令整个投资组合唔见5％，如博到一倍系整个组合获利10％。如博到十倍系整个投资组合获利100％。把自己嘅投资组合分成十份，每份都系小本博大利，然后严格遵守止蚀唔止赚。边一份蚀本？卖咗佢。边一份赚钱？留低佢。如十份投资每份都带来100％回报，你嘅总投资回报可达100％，如其中部分带来十倍回报，便更令人惊喜。但如十份投资每份都损失50％，学Guenthner话斋；“你咁蠢，我冇嘢可以教你”。因为每次只动用全部资金10％，所以你够胆博，成为股市中嘅跳跃者（jumper），唔系股市内嘅老头子。Guenthner教落，有60％把握便You jump，I jump！Guenthner又教我地做重炮手（gunner），即每次开炮前必先瞄准目标才打出第一炮，如第一炮打唔中便调校后再发第二炮；如第二炮仲系打唔中，你必须找掩护（因敌方已知你位置，开始向你炮轰）。重炮手唔打小项目，只打最重要嘅目标，每次瞄准嘅唔系嗰D只带来10％利润嘅股份，而系可带来100％利润或更高嘅项目。千万不可做机枪手，只会乱枪扫射，根本系浪费子弹。
学识做拣股重炮手
现今投资策略系：①、分散投资（但不要分得太散），每次只动用本金10％。②、做重炮手。开炮前必须瞄准、扣紧，然后一炮将对手消灭，如第一炮唔准便开第二炮。如第二炮仍失准便应撤退，不宜久留。唔好做机枪手，漫无目标地乱枪扫射。③、喺股市中采取攻势做一个jumper，而非采取守势（揸住D大蓝筹等运到）。学习玩“double or nothing”（由于每次只动用本金10％，即系有十次机会，如十次结果都系nothing，你嘅拣股策略一定有问题），对象唔系大价股亦非细价股，而系中价股。利用jumper加gunner策略，可用10万元喺五年内赚1200万元！请问过去五年有几多只二线股升幅一倍以上？喺五年内只要买中七次（每次本利和，10万元已可变成1；280万元！）。毕非德点发达？各位研究佢所持嘅股份，佢买入时都系中价股唔系大蓝筹。佢嘅利润来自中价股变大价股嘅过程！不过，佢年纪已大，再唔系股市内嘅跳跃分子。今天一流重炮手应同时系机动部队，再唔系1960年代嘅大炮（推都推唔郁），而系随时转移阵地，然后瞄准、发炮。
今时今日，投资单单跑赢大市系唔够嘅，必须命中目标才可带来可观回报。后市展望，大市走势仲系反覆向上，但未来嘅路愈来愈凹凸不平。容易赚钱嘅日子2003年4月开始，去年5月结束，进入贝南奇时代（唔太冷亦唔太热）。美国GDP增长率平均喺3％左右，CPI升幅平均喺2％左右，唔同行业股份则此起彼落。有时你被熊追到冇气抖，有时你又可以食熊掌。
曹仁超
PDF原文：
原序号：342序号：
42
标题：
买楼投资宜选中价楼
来源：
信报
发布日期：
2007…07…24
全文：
7月23日，周一。恒指又再高收。信和（083）升2。6％，收17。92元，因里昂证券推介，目标价19。8元；新世界发展（017）升2。6％，见20。5元，系5月17日最大涨幅，旗下建筑公司同金门建筑联手投得金钟地王政府新总部工程；中国财险（2328）升14％，报8。03元，中国财险系中国最大非人寿保险公司；国寿（2628）只升1。1％，报31。4元；中海油田（2883）升9。6％，见10。64元，系5月14日以来最大升幅；中海集运（2866）升6。4％，见6。45元，因瑞信推介，目标价7元；彩星集团（635）升10％，见1。17元，因计划将玩具项目分拆上市。
第一桶金靠细价股
美林首席亚太股票策略员Mark Matthews继续睇好中国股市，但唔钟意印度同泰国股市。JF资产管理Howard Wang认为，中国加息后，利率仍唔及CPI增长率4。4％，因此影响甚细。内地双拳出击，但沪深指数今天却升4。65％，收4156。72。加息兼减利息税，反而成为睇好内地金融股理由。响秋官效应下，恒生指数维持下跌唔到一小时，11时后好友大反攻，收市指数23365。56，倒升73。66；成交846。48亿元；期指升70点，收23322点。今天花旗亦加入推介二线股行列，并指浩基集团（628）估计2006/07年度获利0。12元，上升12倍，未来P/E25倍；冠华国际（539）估计2007/08年度获利0。48元，升15％，未来P/E7倍。股市升至牛市第三期，通常系二线股升幅大于大蓝筹。或者你唔信普通投资者赚取第一桶金嘅方法就系投资细价股，只有细价股才可令细钱变大钱！例如1997年思捷环球（330）同利丰（494），当年仲系细价股。但唔好将所有垃圾股都视为有前途嘅细价股，上述观念系错嘅，一只股价低于1元嘅蚊型股唔可能自动变成〃good buy〃。令细价股长大嘅两大元素：一、公司有良好管理层，呢点好重要，冇良好管理层嘅细价股长唔大。二、就系趋势（trends）。如果思捷环球当年冇收购德国思捷，过去十年思捷能否随欧盟零售市场成长而壮大自己？近年欧罗一升再升，大大扩大思捷环球嘅边际利润。利丰亦一样，如果美国市场自1997年至今唔系大量从亚洲区入口廉价产品，利丰纯利成长又点有咁快？
投资细价股嘅策略通常系投资十只（而非一只），即趋势开始对佢有利嘅细价股，然后每年卖掉其中五只跑输大市嘅细价股，换入另外五只趋势开始对其有利嘅细价股。每年重复一次，最终你必能响砂堆中搵到宝石，未来佢嘅股价唔系上升一倍，而系十倍或以上！你能否喺思捷环球刚开始上升前、利丰刚开始上升前发现佢、买入佢、持有佢，让佢为你带来十倍或以上回报？投资二线股必须学习割掉亏损，让利润往前跑。边D二线股系明日之星？我地不妨一齐去揾。欲成为一个成功投资者，除咗要有清醒头脑巧妙地利用常理及唔会感情用事外，更应学习去了解群众心理，因为短期股价升降往往受群众心理支配，上述并非金融专家所能理解，市场往往朝佢地告诉群众嘅相反方向走，专家愈认为股市危险，群众反而进一步涌入股市，情况有如小孩子唔听话，理由往往系大人过分严厉，你愈叫佢唔好走，佢偏偏跑畀你睇。当专家认为二线股缺乏透明度散户宜少沾手，散户偏偏炒畀你睇，尤其内地大量中产阶级涌现，佢地根本上睇唔起香港所谓〃专家〃嘅分析，并认为炒卖二线股先至够刺激。
油价升未必推高油股
高盛估计，2009年油价可见100美元一桶，如9月OPEC唔增产，今年年底油价见95美元亦唔奇。今年油价已上升51％，较2003年年初更上升2倍。去年高盛亦曾预测油价见100美元，去年8月油价见80美元后便回落，呢次结果又点？油价喺伊朗危机下，响1981年曾见35。24美元（以美元购买力计，相当于今天79。67美元）。去年8月油价见80美元后，今年1月一度跌至50美元才再上升，呢次能否升破80美元见100美元？石油股早已升穿去年8月高位，即使今年油价升穿80美元，亦未必能进一步推高石油股股价。
1980年开始中国担当起低价产品出口基地嘅地位。随着人民币升值，内地最低工资上升及原材料价格上升嘅因素，令中国产品出口价面对好大上调压力，会否令美国CPI因入口成本增加而加快上升，最终令美国利率不跌反升？唔排除呢个可能性，但我老曹认为机会唔大。
华尔街分析员唔相信次级按揭债券问题会扩散（依家呢类债券孳息率已较优质债券高3。2厘，6月份只高2。41厘）。次级CDO债券市场崩溃，对三A级债券市场影响唔大，因为Flight for quality反令资金流向优质债券。上周50年期美国政府债券孳息率见4。95厘（最低见4。93厘）、而非6月份嘅5。32厘。标普再降低十四间欧洲CDO嘅评级，进一步刺激资金流向优质债券。估计6月份美国二手楼成交跌至只有年率587万间（5月599万间），系2003年4月以来最差；新屋销售跌至89。5万间（5月91。5万间），证明美国楼市仍在回落中。估计唔少CDO最终只能六折找数（市价只及账面值60％）。家吓损失集中喺投资次级债券嘅CBO（Collateralized Bond Obligations），基本上呢方面又睇CBO嘅组合点样而定。CBO基金终于明白利大本无归嘅道理！当别人只能收到5厘息时，自己可收7厘以上，系有代价嘅！根据大摩资料：约540亿元债券及1890亿元贷款响未来4至5个月到期。上述债券及贷款中，有几多会出事？我地只有等进一步消息。毕非德讲过－只有退潮之后，才知边个有穿泳裤！过去购入BBB级或BB级债券（所谓次级CDO债券）者依家面临考验。美国圣路易联储银行总裁普尔认为，购买次级债券而损手嘅投资者系〃抵死〃，只要唔影响整个借贷市场，联储局系唔会插手。ABX指数（上周本栏已刊出）由今年1月至今回落超过50％，可见次级债券投资者损失几咁巨大。国会有议员批评联储局自2004至06年嘅放任政策，令2。8万亿美元房贷唔受《银行条例》
